I's Land Cafe (已結業)

今晚男朋友带我黎I's Land Cafe dinner，佢话之前食过lunch唔错，所以带我黎食dinner。上到去I's Land Cafe环境好舒服，座位与座位之间都阔落。我地叫咗个2人餐，有汤、沙律、小食、两款主菜、饮品连甜品，以$398依个价钱真系几抵食。先黎个餐汤同蒜蓉包，餐汤材料都唔少，平时餐厅都系一个餐汤加一块蒜蓉包，I's Land Cafe居然有四块。蒜蓉包脆脆的。是日果汁系新鲜橙汁小食我地选左粗薯条，粗薯条热辣辣、外脆内软，内面薯仔蓉好香滑、外面薯皮好脆口！德国猪手配三色汁，呢个猪手个皮脆到不得了，食落去索索声🎶难得里面既肉唔算太干，都有肉汁。白松露忌廉带子手工扭绳粉，意粉啱啱炒好就上碟，热辣辣好好味，一放入口就食到好大阵白松露味，扭绳粉有d似银针粉，口感烟韧！好特别，平时系出面餐厅都唔会食到。其中一个甜品加钱转左心太软配3.6牛乳雪糕，心太软能够做到岩浆涌出的效果，表现令人很满意。