秋意 (成業工業大廈)

营业中

休息中

工厦多隐世美食就出晒名架啦～今日嚟到观塘嘅工厦揾到一间装修别出心裁，有一股秋天气息嘅餐厅，吸引咗我入去试一试。秋天有一种离别嘅感觉，份外有格调，店中都有好多挂画同中国风嘅设计，令店舖喺云云工厦食肆中突围而出。除咗装修有心思之外，食物一样高质！小编叫咗一份口水鸡便当，个口水汁做得非常香口，绝对唔系单靠辣味取胜，而系好有层次地有一种麻嘅感觉，用嚟食鸡送饭真系一流！鸡肉本身都相当嫩滑，火候恰到好处，唔会煮得太耐导致韧或者老，而且能够锁住鸡嘅鲜味同埋肉汁，食到欲罢不能！便当仲有一份菜蔬同茄子，照顾到食客嘅营养需要同埋健康，十分细心。便当份量都唔错，小编作为一名大食男性都觉得够饱。如果大家想试吓支持小店嘅便当，不妨到访观塘嘅秋意一试～