影片
更多
2019-12-01
470 浏览
星期三晚放工去观塘揾朋友食晚饭，佢最钟意喺工厦捐窿捐罅揾嘢食，呢日我就乖乖哋听话跟住佢🙈。去到骆驼漆发现劲多人排队等笠，我哋系其中一份子，上到去见到工厦个格局同我想像中唔同，劲旺场好多舖头。好彩朋友有订到枱，所以有梳化坐，餐厅超有人气，成晚劲多客，一班人同情侣都有。环境都唔错，格调偏暗气氛较为悠和，似cafe的日式料理店🍱。食物选择都几多，前菜、沙律、烧物、扬物、天妇罗、串烧、一品料理等等都有。另外仲有日式火锅同自慢烧肉系列。晚市厨师推介好啱呢个季节食！扬物要咗川海老唐扬($45)，🦐虾仔比相细只，不过炸得好脆，虾味劲浓，点沙律酱一流👍，我好似食紧零食咁食唔停口。前菜要咗芝士明太子蛋卷($38)，有3件。呢样就无乜特别，芝士唔系好拉丝，而明太子就应该系用上一支支𠮶啲酱🤔。我哋嗌咗两款🥩自慢烧肉系列，要了一份胡麻汁牛肩胛同烧汁牛舌，都系$68。店员有特别温馨提示问：要我哋自己烧o唔ok😂。烧肉个铁板仔都几得意，无得校开关，因为系点火，不过都够热烧啲肉。2份肉都ok，各有6块/片，我就钟意牛肩胛多啲，厚身啲同肉味浓啲👍。另外要咗个蕃茄猪骨豚肉锅($118)，锅物应该系一人量的，🐷豚肉有6-
星期三晚放工去观塘揾朋友食晚饭，佢最钟意喺工厦捐窿捐罅揾嘢食，呢日我就乖乖哋听话跟住佢🙈。去到骆驼漆发现劲多人排队等笠，我哋系其中一份子，上到去见到工厦个格局同我想像中唔同，劲旺场好多舖头。
好彩朋友有订到枱，所以有梳化坐，餐厅超有人气，成晚劲多客，一班人同情侣都有。环境都唔错，格调偏暗气氛较为悠和，似cafe的日式料理店🍱。
食物选择都几多，前菜、沙律、烧物、扬物、天妇罗、串烧、一品料理等等都有。另外仲有日式火锅同自慢烧肉系列。晚市厨师推介好啱呢个季节食！
扬物要咗川海老唐扬($45)，🦐虾仔比相细只，不过炸得好脆，虾味劲浓，点沙律酱一流👍，我好似食紧零食咁食唔停口。
前菜要咗芝士明太子蛋卷($38)，有3件。呢样就无乜特别，芝士唔系好拉丝，而明太子就应该系用上一支支𠮶啲酱🤔。
我哋嗌咗两款🥩自慢烧肉系列，要了一份胡麻汁牛肩胛同烧汁牛舌，都系$68。店员有特别温馨提示问：要我哋自己烧o唔ok😂。烧肉个铁板仔都几得意，无得校开关，因为系点火，不过都够热烧啲肉。2份肉都ok，各有6块/片，我就钟意牛肩胛多啲，厚身啲同肉味浓啲👍。
另外要咗个蕃茄猪骨豚肉锅($118)，锅物应该系一人量的，🐷豚肉有6-7片，我以为会配有乌冬，但无，估计需要额外落单，不过锅底都有啲粉丝挂汤。至于个汤底最令我有惊喜，因为个蕃茄味🍅同我想像中唔同，好似有啲忌廉芝士味咁定系因为猪骨汤味，几特别。
饮品就要咗非常打卡able的蓝柑富士山🗻($35)，一望到menu我已经想叫，好靓。味道唔系好饮得出柑味，但几好饮，加上上面有球雪糕🍨可以食下。个杯望落细，但都几大杯。
总括嚟讲，呢间日式cafe都ok，饭面类如果有多啲选择会更好，或者可以考虑添加新菜式，如烧饼哈哈。食物价钱都唔贵呀，系份量对于男仔来说可能争少少🙈，因为无饭。最后抵赞嘅系店员服务几好，反应快同埋好帮得手，又有笑容😊👍。
张贴
