三姐廚房私房菜 (已結業)

良朋相聚，梗系要揾个地方坐得舒服，好食，又抵既地方啦。。于是就去左友人介绍既呢间工厦私房菜啦，果然系真朋友无老点，好似出奇蛋咁满足晒我三个愿望 以三旧水内一个人黎讲，有条斤几蒸鱼，有蟹，有虾，有鸡，有龙趸蒸饭，有炖汤，有菜等等，都已经系超值，仲要样样好食就更难得，而更难能可贵既系啲碟头好大，连我个二百磅既大食男朋友都食唔晒 正呀！个人认为最好系个炖汤, 好足料, 一打开盖就闻到好浓郁既老火汤味! 仲有个龙趸只都系必食推介之选, 因为我钟意食较硬身既饭, 而呢个饭系用红糙米, 真系very good, 鱼既鲜味渗入一粒粒既饭到, 真系好食又健康! 而前菜我就非常欣赏个流心蛋, 薰得够味之余再加上适量的鱼子, 真系齿颊留香, 伴碟既厚cut茄子, 虽则有d漏, 但点埋个汁又出奇地好食wo...以上三样都系我推荐之选, 而其他食物都系above average总结黎讲，呢间大隐隐于市既私房菜，论地点，食物同环境都系值得再回头。因为太好食既关系，我挂住食食食，只系影得两幅前菜既相