CHiLL-i (已結業)

观塘工厂大厦近年都有唔同餐厅系入面开设，所以的水准绝对唔比门面店差，但反而系性价比高。今次呢间都喺网上见到人哋推介，所以都有提前系OpenRice 订位，去到就直接入坐。焗意大利杂菜玉米片配牛油果酱 （$68）- 前菜黎讲，系开胃，因为杂菜入面有蕃茄，酸酸地再配上牛油果酱，加埋脆卜卜嘅玉米片，绝对唔错。而且价钱相当实惠。慢煮脆皮猪腩（$138）- 猪腩肉肥瘦均匀，因为慢煮嘅关系，猪腩肉入口即溶，但系虽然肉系入口即溶，但系依然会保持脆皮口感，有两重不一样的享受；另外仲配有菠萝同埋沙律菜去解油腻感麻辣海龙王海鲜意大利饭（$168）- 呢一个意大利饭10分有惊喜，海鲜份量好足，而且都有唔同种类嘅海鲜（虾、青口、鱿鱼、蚬、带子），最特别系佢嘅麻辣味，唔会好辣但你会食到有麻辣嘅味道，算系一个比较特别的意大利饭。呢个价钱绝对可以encore！嘢饮方面就叫咗一杯棉花糖可可同埋蜂蜜柚子梳打，嘢饮就中规中矩，不过胜在价钱合理，食西餐又点可以少咗嘢饮呢。最后值得一题嘅除咗系食物水准唔错价钱合理之外，服务嘅态度系一流。