丼瀛 (已搬遷) 新店位置

朋友某天晚上话想食日本餐，于是佢就带左我黎观塘工厦度揾好野食甘话，去左一间叫丼灜既日本餐厅，餐厅好别致灯光比较柔和，仲挂住左d特别既日本灯笼，坐位分布平均，坐低左仲有一细张抹手机用既消毒纸巾同消毒搓手液供客人使用，令客人食得放心，食物方面：我地叫左一个特选牛肉乌冬配寿喜烧窝，牛肉份量好多好抵食，加左$20转乌冬，乌冬烟韧弹牙，汤底味道浓郁。仲配有三片刺身，三片都好厚切。甲罗烧松叶蟹肉丼：推介呢款真系貌相好靓，蟹膏同鹌鹑蛋搅拌后，再同珍珠米一齐食，蟹膏味香浓，仲有满满拆好左既蟹肉同玉子，真系好好味。小食我地叫左碎葱吞拿鱼海胆卷4件吞拿鱼配海胆既鲜味一啖一口。仲有脆炸流心粟米饼：唔会太油，好creamy既粟米饼外脆内软。如果份量可以多d就更好。金菇肥牛卷：朋友对烧物有兴趣所以叫左金菇肥牛卷食，即叫即烧，烧到岩岩好唔会太㶶同韧。上菜速度快，下次一定会介绍俾其他朋友再黎食。