Nutmad (已搬遷) 新店位置

观塘工业区高质黄店💛铺面唔算大，系人口密度咁高嘅观塘lunch会比较full。特别系有几个座位系bar枱设计。同其他cafe唔同，bar枱位唔系对住风景或是街道，而系对住香港独有既密集高楼大厦。由呢个角度望出去，别有一种感觉。食物整体都好好食，份量又多，绝对值得encore。卡邦尼意粉同平时食开落左忌廉好creamy既卡邦尼意粉唔同，佢系用传统做法，纯蛋黄汁配上焦糖化猪腩肉同bacon，食落好食之余又特别。鸡胸蕃茄意大利饭既鸡肉好足料，而且用慢煮嘅方法去烹调鸡胸肉，唔会好柴。加上蕃茄汁完全渗透晒入去啲饭同鸡肉度，酸酸甜甜好开胃。