時代冰室 (環球工商大廈) (已結業)

喺九龙湾行完, 当然要揾食啦。 今次支持吓烧山。虽然系茶餐厅, 但都等咗成 15 分钟左右。 入店前都系指定动作先可以入座。喱个海南鸡饭, 配嘅系油饭, 饭好有香茅同鸡油味, 但食到一半, 就会觉得偏咸咗少少, 而且有啲寡, 鸡方面, 鸡肉都算嫩滑, 但唔系非常 juicy, 配有少少菜同一碗汤, 当日系葛汤, 同埋三款平时食海南鸡都会有嘅酱, 分别系豉油膏、姜蓉同蒜蓉辣酱, 喱三只酱都好好味, 豉油膏甜甜地咁, 令鸡除咗咸味仲有啲甜味, 姜蓉因为有少少油, 所以令鸡肉更滑而且带有少许姜嘅清香味, 最后, 亦系我喱个唔食辣嘅人都觉得不错嘅蒜蓉辣酱, 辣味香而辛, 但系可接受, 再加埋有啲蒜味, 更香。   以下系极尚 ． 浓花胶滑鸡汤配泡饭, 饭系硬饭, 适合做泡饭, 汤好清甜, 带有鸡味, 同时因为有菜, 所以有菜嘅甜味, 可能店家有隔过鸡油, 唔会太油腻, 鸡同花胶份量都算多, 花胶软, 但有赵口, 唔会煲到淋晒一 pat pat, 鸡可能因为煲完汤, 所以好易就骨肉分离, 而且算嫩, 鸡味亦浓, 配埋饭食味道同口感都相当不俗。   饮品方面, 直得一赞嘅系, 店家用有真空隔层嘅锑