掌壽司 (已結業)

相约观塘做嘢嘅朋友食lunch，我话畀佢听想食日本嘢，佢话绝对冇问题🤗餐厅地方宽敞，坐得舒服。墙上挂满日本Saka做装饰，够日本风。定食由$78起，包前菜，蚬肉味噌汤，茶碗蒸，甜品，饮品。前菜喺有营食品枝豆，跟住蚬肉味噌汤，里面有豆腐，海带，蚬肉，鲜甜，唔会死咸。茶壶蒸够嫩滑，里面还加上蟹柳。我点咗精选刺身定食，一共六款刺身，包括三文鱼，入口即溶 ; 油甘鱼，纹路分布均匀，肉厚肥嫩 ; 赤虾，大大只够新鲜 ; 带子 ，鲜甜美味 ; 剑鱼，不油腻 ; 海胆，好甘香，全部新鲜美味，刺身厚切， 还配上一大碗饭朋友嘅七色丼，包括三文鱼，油甘鱼，带子，赤虾，熟虾，北寄贝，碎拖罗，碗底配上日本饭 。刺身同样新鲜甜美加咗少少钱配特饮，热黑糖冬瓜茶，自家制不会过甜，啖啖冬瓜肉。冻荔枝梳打，清甜解渴甜品一人一粒雪糕糯米糍工厦里面有这样高质素的日本刺身做lunch，真系估佢唔到多得喺观塘返工嘅朋友好介绍。