魔膳廚房 (已結業)

今晚黎到观塘揾食，间餐厅位于工厦2楼，需要上一层楼梯。不过楼梯两边都挂左唔少画，令到上楼梯既时候都有野睇下，几有心思。餐牌都几特别，强力磁石吸住叠纸，揭既时候都唔会走位。价钱唔系特别贵，一般西餐厅价钱。部份set dinner有包括任食沙律吧。开始上菜，个汤一个系杂菜汤，一个甘荀忌廉汤。两个汤都好够味，另外面包就非常好味，热辣辣又好软熟~香煎带子黑松露杂菌意大利饭，好creamy，好香奶味，带子都几大只，而且放蟹子系意大利饭比较少有，但系就做成丰富既口感。三式芝士酱烧猪肋骨配薯角，好大旧，而且一黎到就闻到好香既芝士味，肉质好淋，唔系干净净，同埋啲肉已经索哂腌料啲味。