I's Land Cafe (已結業)

朋友生日又想坐得舒服D，同事就介绍咗I’s Land Cafe呢间餐厅比我，佢比相我睇时已经觉得好靓了，所以就再无考虑其他地方，就约朋友喺骆驼漆大厦到等。一打开升降机门行出去就见到佢地嘅门口，装修设计好园林嘅感觉，好靓呢！由于我同朋友都收8点，去到已经8点半，所以上到嚟都唔使等位，职员就即刻安排咗枱比我地。睇咗餐牌后，我地就决定点酥炸大虎虾配茄茸汁扁意粉同埋经典德国猪手，是日餐汤就系甘笋茸忌廉汤配蒜蓉包，先上咗个餐汤同埋个蒜蓉包，甘笋茸都几浓仲可以食到少少甘笋粒有D咬口好好味；蒜蓉包好香脆，好香蒜蓉味。等咗一阵到个意粉上到，呢个酥炸大虎虾配茄茸汁扁意粉嘅色彩好丰富，只虎虾几大只，好弹牙。然后到个经典德国猪手，炸到好金黄色，睇到都流哂口水！而且伴菜当中嘅紫薯蓉都好特别，好好味！最后到我心目中嘅主菜-流心双层窝夫塔，因为一早上网睇咗呢个甜品呢到可以帮客人写字上去，而我朋友又生日，所以埋位坐之前静静鸡同店员安排咗，当送到嚟嘅时候朋友都好惊喜，睇到佢个表情都后，证明我嘅安排无白费。而佢地嘅心太软嘅朱古力味好香浓，而窝夫又好香脆，明明头先食到饱，就因为太好味都忍唔到口呢！埋单$502