Go Inside Kitchen (已結業)

今日又试下喺工厦食个靓午餐先，位于观塘之间go Inside kitchen 做到街知巷闻，评价唔错。 set lunch 嘅选择甚多，有平有贵，但比起晚餐嚟讲算系平好多。 个餐配咗一块蒜蓉包同埋餐汤。蒜蓉包焗度好香脆，充满蒜蓉味。而汤系南瓜汤，加咗少少姜蓉， 清甜南瓜味亦带点刺激。 套餐加左餐前小食，焗蚝。蚝做得非常出色，芝士味龙郁，蚝鲜甜多汁，但细只左啲。 蜜糖烤鸡翼， 烤得好脆好香，食落甜甜地但惹味，鸡肉幼嫩多汁。 主菜叫咗美国安格斯肉眼扒五成熟，酱汁就麻麻，但块扒做得好香，牛肉软淋有嚼劲，充满牛嘅汁香油香，肉味满溢，薯条不过不失。 煎三文鱼，个鱼皮做得好脆，好好味好香。而三文鱼， 肉质够嫩，味道熟度刚好，最重要系每啖鱼油香入口溶化，充满邪恶咁。 食完煮食仲可以试埋佢啲甜品，泡芙应该都系入口货嘅 味道不过不失。 最后叹埋杯餐饮冻咖啡，成餐饭就满足晒。