AGE Cuisine Express (已搬遷) 新店位置

太古地段，晚餐选择极多。不过今日就特别少少，去工厂大厦区锯扒。虽然系工厦，但门面同装修并唔曳，光鲜整洁。晚餐我地二人就叫左一个dinner set，散叫一个意粉同沙律。罗马生菜好鲜甜，烟三文鱼都几肥美，作为开胃前菜唔错。餐汤，味道有点似龙虾汤，但入口唔会太咸。黑松露意粉令我有惊喜，意粉软硬适中，黑松露又香气四溢，忌廉份量恰当、唔会太腻，水准唔错。安格斯牛柳，牛肉味一定无肉眼扒咁浓厚，但佢非常嫩滑，几近入口即溶，绵滑牛肉口感，回味无穷。个Dinner set意大利甜品唔知系咩名堂，不过非常好食，上半部分似雪糕，下半部分似cheese cake，冰冻香甜。最后埋单$514，以佢食物质素而言，价钱唔算贵，算定价公道。