Hugo Cafe

营业中

休息中

由于男朋友个仓喺火炭附近所以都经常喺火炭附近觅食今次嚟到骏景广场呢边发现一间貌似平民嘅高质Cafe。我哋两个要咗个二人餐，跟餐有龙虾汤同蘑菇汤都配蒜蓉包，主食要咗猪扒老虎虾意粉同士多啤梨酱黑毛猪脊骨配薯条，两款卖相都好吸引分量超多老虎虾大大只新鲜肥美，而黑毛猪烧得好嫩滑，肉质腍软，配上士多啤梨烧烤酱，味道好夹，酸甜开胃。超级推介，而佢配上粗薯条好钟意。另外再叫咗两个甜品，因为佢嘅甜品卖相非常吸引，拍得住酒店级数。要咗纽约芝士蛋糕同朱古力软心蛋糕，纽约芝士蛋糕同我哋平时食开嘅唔同佢系偏软身芝士味唔会过浓，啱晒做饭后甜品。热朱古力软心系我至爱，好有层次，朱古力采用纯黑朱古力唔会过甜能够突出香浓眩惑嘅朱古力味。再加上两杯饮品整体买单五百几蚊啱晒情侣食饭。