漁吉海鮮丼專門店

营业中

休息中

夏天有时候天气太热，真系无咩胃口，所以有时候会选择食下凉快既野食。最近就去左观塘工厦入面既【渔吉海鲜丼专门店】，主打海鲜丼、寿司同刺身。佢地既海鲜丼已经帮你搭配好，岩晒选择困难症！ 渔吉特选丼：包括三文鱼、油甘鱼、鳗鱼、海胆、时令鱼生、三文鱼籽、樱花鱿鱼、赤虾、左口鱼边同帆立贝。饭入面加左蟹籽，唔会得白饭好寡。Wasabi系用新鲜山葵磨成，好香又唔会太辣。所有鱼类既鱼生都好新鲜，无咩腥味。个人最推荐入面既樱花鱿鱼同左口鱼边。厚煎玉子烧都非常不错。 比目帆立丼：包括三文鱼籽、左口鱼边同帆立贝。虽然个碗既size比特选丼细碗，但食材既分量都唔少。如果怕食全生既呢个适合，因为系火炙左，左口鱼边同帆立贝都非常鲜甜。 不过因为餐厅系工厦，所以夜晚闩门时间都比较早，夜晚8点就会闩门，如果有兴趣去要留意。