高興 (已結業)

今日朋友带我去工业大厦一间西餐厅食午饭，一入门口个感觉同外面环境完全唔同，有一种悠然嘅感觉，可惜过过咗无几耐，可能系午饭时间，越来越多人入嚟，就变得好迫好嘈。我点左份豆豉鲮鱼意大利粉，望落个名好有新意咁，不过嚟到个卖相就唔算太靓，味道一般啦，冇想像中咁特别。另外叫咗个柚子虾沙律，呢个味道唔错，有椰香同埋好脆卜卜嘅花生，加埋酸酸嘅柚子汁，非常开胃！呢间餐厅都好多人帮衬，要食就早啲到，食物OK嘅，但座位唔算好舒服， 同埋工厦餐厅都要限时，个人感觉就唔系太好。