i kitchen (已結業)

平时返工放工经过巧明街，其实都望到呢间楼上西餐厅，今日lunch终于上去试下。因为大玻璃，又系中午，所以室内都光，我估夜晚黎情调会再好啲。今次同同事share食，叫左两个lunch set，都配有汤或沙律、餐饮。我拣左南瓜忌廉汤，好多南瓜蓉，加左忌廉，有口感而又滑，汤系淡淡既南瓜甜，可以拎饼干条点汤食。同事就试左沙律，份量大，系加左黑醋沙律汁，比较健康开胃，而且有大量芝士碎，同事话好fresh。主菜-轻煎北海道刺身带子黑松露意粉，试枱卖相靓，黑松露味唔算浓烈，带子半生熟，咬口好，所有意粉都均匀淡淡菌香，口感适中。主菜-香煎纽西兰肉眼，五成熟，扒煎得好juicy，加上系纽西兰扒唔会好肥，偏重牛肉咪，伴碟好靓，重可以选择配蔬菜，对要生酮既朋友系一个好好既选择。最后我拣左热咖啡作结，咖啡香浓，唔错。