影片
更多
2016-07-17
1145 浏览
观塘工厦近年越来越热闹，餐厅越开越多，食家有福。难得周末，三五知己决定离开大型商场走出工厦试下新嘢。由观塘地铁站步行5分钟左右就到骆驼漆, 骆驼漆1-6楼有好多美容同食材批发零售，系观塘其中一幢比较受欢迎而且人流颇高嘅工厦，所以䌓忙时间记得预返3-5分钟左右等电梯。Bold Italic位于骆驼漆三楼，门口望入店内已经有女同事好友善帮我哋开门同带位。Lunch Set价钱$75 up, 主菜配餐汤，面包条，沙律同饮品，以环境同主菜款式选择嚟讲价钱都几合理。一行三人, 叫咗一个Pama Ham沙律combo, 一个蕃茄沙律combo同一个照烧鸡扒combo。餐汤面包条同沙律好快到, 餐汤系忌廉磨菇汤，配面包条几好食，但略嫌唔够热，沙律不过不失。我𠮶份系蜜糖芥末Pama Ham沙律 Combo($78)， 餐饮系另外加钱嘅Green Tea Latte。讲真以色相计，个沙律真系几靓，可以相机食先。另外味道方面芥末酱同Pama Ham好夹, 菜同水果都够新鲜。友人个蕃茄沙律配黑醋汁都大份夹新鲜，鸡扒几香口，如果薯菜有炸薯条更开心。Green Tea Latte甜度同奶味啱啱好。上楼前扫过Op
由观塘地铁站步行5分钟左右就到骆驼漆, 骆驼漆1-6楼有好多美容同食材批发零售，系观塘其中一幢比较受欢迎而且人流颇高嘅工厦，所以䌓忙时间记得预返3-5分钟左右等电梯。
Bold Italic位于骆驼漆三楼，门口望入店内已经有女同事好友善帮我哋开门同带位。Lunch Set价钱$75 up, 主菜配餐汤，面包条，沙律同饮品，以环境同主菜款式选择嚟讲价钱都几合理。
一行三人, 叫咗一个Pama Ham沙律combo, 一个蕃茄沙律combo同一个照烧鸡扒combo。
餐汤面包条同沙律好快到, 餐汤系忌廉磨菇汤，配面包条几好食，但略嫌唔够热，沙律不过不失。
我𠮶份系蜜糖芥末Pama Ham沙律 Combo($78)， 餐饮系另外加钱嘅Green Tea Latte。讲真以色相计，个沙律真系几靓，可以相机食先。另外味道方面芥末酱同Pama Ham好夹, 菜同水果都够新鲜。
友人个蕃茄沙律配黑醋汁都大份夹新鲜，鸡扒几香口，如果薯菜有炸薯条更开心。Green Tea Latte甜度同奶味啱啱好。
上楼前扫过Open Rice啲食评, 话老板有林德信feel，所以都有10%系为咗见佢而嚟哈哈。老板好后生，枱枱都行去问意见，几有心。
讲返间餐厅，中途食完都冇俾人赶，最后三个人坐喺餐厅倾足三个半钟哈哈。完lunch period之前啲员工仲好nice咁问咗我哋两次驶咪加单，同埋仲keep住加柠檬水，呢下抵赞。
总结，放假嚟讲，呢个消费呢个环境，加埋林德信，其实都几有机会再Encore嘅。
张贴
