林氏廚房 (已結業)

第一次同朋友嚟到长沙湾区工厦嘅林氏厨房食晚饭。餐厅布置温馨简洁；员工服务态度亲切，非常有家的感觉。食方面我哋order咗个二人餐，有餐汤、沙律、小食拼盘、主菜、甜品及饮品，都相当丰富。粟米汤配多士，多士香脆，汤除咗好creamy外，仲食到粒粒好饱满嘅粟米粒。蟹肉三文鱼沙律，都几多蟹肉，三文鱼卷成花状，放于青青的沙律菜上，好吸晴，颜色艳丽；再配上柚子醋，非常清新。小食拼盘，有饺子、金菇天妇罗、单骨鸡翼，虽然系炸物，但不会感到油淋淋。主菜我哋拣咗大虾牛肝菌干蕃茄意粉及鳗鱼炒饭意粉弹牙，配菜惹味。原条鳗鱼舖在炒饭上，大大条，非常厚身，唔醒。而珍珠饭，粒粒分明，口感软糯。牛奶布甸布甸够冰冻，表面舖上糖沙，以为会好甜，但食落又不会太甜，布甸软滑。原来餐厅逢星期三晚，都会有Live band演出，撞正今日系星期三，食饭之余，仲有歌听，多重享受。