Cocoon (已結業)

📍观塘 Cocoon观塘工厦区真系好多隐藏餐厅，今日就嚟到位于丰利工厂大厦嘅呢一间Cafe 。位置唔算好近地铁站，但系都尚算方便，行5分钟左右就到，不过因为今日系放工时间去食，行观塘嘅呢一条路真系搞不掂😹。今日一共叫咗两个套餐，佢每一个套餐都配有面豉汤、沙律同饮品，想加特饮就可以另外加钱选择。٩(˃̶͈̀௰˂̶͈́)و日式咖喱猪扒便当 $78 + 桃味梳打 $38佢嘅便当都有好多唔同种类嘅食物，有炒杂菜、紫薯、春卷等等嘅配菜，所以营养都相当均匀，佢呢一个炸猪扒嘅份量都好多，不过佢嘅咖喱汁就略嫌有啲咸，如果淡味少少就更加出色，不过佢嘅炸猪扒都好脆。最惊喜系佢嘅土味沙冰超大杯，而且唔算好甜，夏天热辣辣饮番杯都几正，不过就要快啲饮，如果流咗就会周围都系😹秘制日式烧汁豚肉炒面 $98 + 冻柠茶 $8见到佢呢一个炒面都好有特色，而实际食落又几好味，日式酱汁配上豚肉呢一个组合都几夹，加埋沙律酱就一定冇得输。另外仲叫咗个鸡皮蒜同豚肉串，都系啱啱好烤好咁上碟，所以热辣辣咁口感都不错。