Non Kitchen

营业中

休息中

又系朋友带路食好嘢。观塘其实真系唔少工厦美食，但自问唔识路去揾，今次就靠朋友，食到高质美食。餐厅装修贯彻工厦feel，简单但raw，摆设够特色，最正系极度宽敞，枱与枱之间直情可以摆多张枱。毫无局促感之下，食得份外开坏，同朋友撑枱脚，一餐饭就食左3个钟，我地慢食之余要赞餐厅，套餐会依序逐part上，我地慢慢食，佢地就慢慢上，食物唔会摊冻之余，我地仲可以慢慢真正享受一顿fine dining。食物之高质，在于摆盘及味道，每样食物都做到睇得、食得。(所以其实部份用餐时间，系用左嚟打卡影相😅)主菜点左个「菠菜芝士意大利馄饨配黑松露忌廉汁」 ($128) 另加 $108转set，有埋沙律、餐汤、甜品、饮品。甜品我地又再加$38，转做心太软。其实跟餐仲有面包，面包可以点香草酱食，第一道食物已经令食欲大增。🔸️凯撒沙律够新鲜，沙律菜入口系爽脆鲜甜🔸️餐汤系甘笋汤， creamy，入口滑溜🔸️主菜意大利馄饨……真系好好食! 菠菜味同松露味都好浓郁，但系又唔会互相抢味，而系交融，每一啖入口都系享受。Tortellini份量都好多，大细适中，软腍度啱啱好，做到索汁同时挂汁，所以每一啖都充满菠菜及松露嘅香浓馥郁。