圍威喂 (誠信中心) (已結業)

走去荔枝角工廠區搵個朋友食午餐，佢話一定要襯呢個機會食呢間泰國菜。去到見到門面光鮮，比一般工廠區餐廳靚，就已經覺得呢間餐廳唔錯。點左海南雞飯同豬頸肉炒飯。海南雞飯多肉，味道好，唯一不足係飯量少，唔夠食。差唔多食完個海南雞飯，豬頸肉炒飯仲未到，搞麥鬼？問問侍應，原來即叫即炒，一講完就送到。同海南雞飯唔同，炒飯個份量多好多，又夠熱，味道濃，絕對值得一試！午餐包埋野飲，叫左杯檸蜜，食完炒飯飲返杯，潤一潤喉真係一絕。意想唔到工廠區都出到環境好價錢正味道一流嘅餐廳！