樂天冰室 (幸運工業大廈)

营业中

休息中

最近在附近见到呢间新开的茶餐厅，想试吓新口味，于是入去试吓。入到去地方都几阔落，睇餐牌选择都几多，有全日早餐，又有小菜(观塘工业区附近夜晚的茶餐厅都无小菜食，通常都系常餐同埋炒粉面饭)，所以今次就点咗两个小菜，分别系蜜椒薯仔牛柳粒同茄子鱼块煲试吓。先讲个牛柳粒先，啲薯仔表面有层蜜糖，脆得嚟又甜甜哋，几好食。而啲牛柳粒都唔韧，个表面都有煎香到，食落去几惹味。呢味小菜唔多地方有，食落口感唔错。至于个茄子鱼块煲，味道就同大部份餐厅一样(呢个菜无咩特别，同埋都几难煮得难食)，不过都有几多鱼，有成差唔多7-8嚿(通常一般都系得5、6嚿)。整体嚟讲呢间茶记都唔错，同埋睇餐牌见到全日早餐有热香饼，下次再嚟试过。