Nutmad (已搬遷) 新店位置

食过呢间餐厅几次. 地点位于观塘工业大厦. 仲要上楼.餐牌比较简单. 选择唔多. 食嚟食去都系果几样. 黑毛猪. 卡邦尼意粉. 西多士.黑毛猪. 外脆内嫩. 有脂肪嘅位置OK. 今次都有少少干嘅部份. 整体唔错.佢侧边放咗一些咖啡粉同盐. 唔觉意掂到就好咸. 餐厅可以考虑分开上或者放远少少.卡邦尼意粉. 同平时食嘅好唔同. 个汁唔系白色嘅. 应该系用蛋黄汁. 而且痴晒上意粉上面. 比较干身. 亦都用超过一种烟肉. 特别.最后系 (大约) $100嘅西多士. 听讲要之前一晚用鸡蛋浸定. 所以数量有限. 建议订位时预订埋.呢间系一间有心机做好食物嘅餐厅. 当然工厂区就唔会系好靓嘅装修.