新匯聚打冷小廚 (已結業)

讲真，唔系人地带黎，都唔知观塘区内有间咁正既打冷。老实讲佢似一间中菜馆多过打冷，因为佢除左潮州菜仲有好多唔同既小菜都做得好出色。打冷就一定唔小得蚝仔粥，非常足料，蚝仔又大仔又多，大大碗，好味道！呢度d蚝真系好正，唔止蚝仔好食，连桶蚝都同样出色，我地叫左个砵酒桶蚝，d蚝大只到呢，又鲜甜，加埋砵酒既香味，真系不得了呀。烧汁鳝球又系令我好深刻，外面脆皮，内面干身，烧汁惹味。最最令我吃惊居然系呢饮招牌柠蜜梳打，听落去平平无奇，饮落去新奇刺激！佢味道好似益力多，好特别，加埋有汽，超爽！一路以黎我以为工厂区既食肆都系粗制滥造，但系估唔到揾到间同大排档有一样水准既中菜馆，无得弹呀！