Precious (已結業)

自从公司搬咗嚟牛头角工厂区后，我哋每日都冇啖好食，随咗食大×乐或饮茶外，周围都冇咩餐厅食肆。得知隔离工厂大厦有间似样啲嘅西餐厅，我哋当然要试下啦。午饭时间梗系订定位稳阵啲啦，我哋准时12点45分去到即刻有位。原来佢呢度有分时段，如果12点45分前埋单走人或者13点45分后入座就会平啲，冇计啦，我哋冇得选择食饭时间，实系食最贵果个时段啦。餐厅租咗两个单位，地方唔算大，坐位都好迫下，内里环境昏昏暗暗咁几有情调嘅，都好嘅黑黑地见到啲唔想见嘅同事都当黑得济睇唔到  睇下餐牌先，每日有A-G餐选择，我就要左个C餐白酒蚬肉意粉食下先，午餐包一件多士和汤，热饮加4元，冻饮加6元。先嚟个餐汤，粟米汤浓淡适中附送牛油多士 白酒蚬肉煮扁意粉蚬肉都好肥美饱满，鲜甜多汁，意粉伴以甜椒，有点点蒜香又有香草嘅清香，唯独唔系咁觉有白酒味，但总括嚟讲都系好食。另外，同事叫的A和B餐，略嫌份量比较少，女仕就应该够食，但男仕就未必够食。同埋见到隔离枱叫个烤鸡扒汉堡睇落都几大件，同埋卖相都唔错，下次再去试下先。