Precious (已結業)

今日放假，专登嚟到呢一间餐厅食午餐，因为2点先到，所以店内只剩一两台客，好快叫咗餐好快有得食，坐得舒服食物质素亦良好，值得到来。个西汤饮完其实唔知道系咩汤，类似薯仔挂，有啲古怪，未至于难饮，不过真系唔多好饮！叫了鸡扒配薯菜同branch，非常喜欢同上的蛋沙律，调配的酱很香甜美味，咁好味份量多啲就好啦！个烤鸡扒话系泰式酱，但系其实个酱只系面头果少少，有啲搞笑，都唔紧要啦！最主要个鸡扒都系好香口，热辣辣，黑椒汁都好OK嘅！好怕有啲餐厅啲薯菜放喺块扒下边，吸晒油。呢度啲薯菜唔系咁，系完全可以食嘅。个brunch 种类都多，最突出就系个蛋沙律，非常好味，如果有得剩叫呢个沙律都值得叫！呢度朝早街上好似有优惠券派，但系相信只系附近返工嘅人先至可以攞得到了！旁边有一间房有桌球玩，正有人包场食饭连埋玩，有兴趣的可以一问！虽然呢度交通唔系咁方便，但我觉得放假其实可以专登嚟食个饭，佢食物质素OK，而旁边观塘海旁都好清幽，可以消磨几小时！当系一个活动！