Moreish & Malt (鴻圖道) (已結業)

星期六约左一大班朋友喺观塘打波，打完之后谂住求其食D野就算。点知喺漫无目的、乱打乱撞之下行左黎呢度，于是我地决定入去试下！香辣吞拿鱼藜麦沙律 ($108)：沙律非常fresh，烧香辣吞拿鱼、炸藜麦、什菜沙律同埋黑醋汁等等既份量十分足！虽然吞拿鱼够晒鲜嫩，但辣味略嫌不足，如果再辣返少少会更好！纽西兰肉眼扒、炒蛋、多士 ($108)：6安士既肉眼扒配埋炒蛋同多士呢个组合够晒特别！Medium rare既牛扒烧到刚好，炭烧既感觉令肉既表面干身得黎之余裹面亦能保持juicy既感觉！大虾扁面、碎虾干白酒汁 ($118)：大虾同埋碎虾干等配料，再混合埋白酒牛油汁令到入口时感觉湿湿地、唔会太干身之余亦都有少少chunky既感觉，值得推介！烟薰肉意粉、泡菜忌廉蛋黄汁 ($108)：意粉配料非常之多，意大利风干火腿、洋葱、蛋黄、巴马逊芝士捞埋浓浓既忌廉汁感觉creamy得黎之余又唔会太滞，再捞埋泡菜辣辣地既口感认真一流，必食！鸡肉蘑菇阔面，忌廉汁 ($108)：唔知系咪之前两个意粉个sauce都用上相对heavy既酱汁，所以呢个芝士忌廉汁既阔面感觉有D太过浓味，而且鸡胸肉感觉较鞋口，如果可以改用鸡脾肉会