影片
更多
2016-02-02
352 浏览
睇到D相，系咪好难想像呢度系工厂区既Food Court呢？无错，呢度的确系Food Court入面既一间食肆。朋友响荔枝角返工，今日得闲去探班。一场黎到，有乜好野食先？朋友笑嘻嘻，带左我黎呢间Pati by Lassana。哦~~我认得你，之前去油塘食$88三层下午茶既餐厅，咪叫Spade by Lassana啰？原来系两兄弟黎既。望望个午餐餐牌先，一人自选午餐，可以拣一款主菜(Ribs/ 烧春鸡 / 面包)、一款配菜、一款沙律，包一杯咖啡或茶，都只系$63，见到呢个价钱，我简直感动到想喊，平时响尖沙咀，六十几蚊只可以食碗面咋。花多眼乱，叫咩好？虽然牛角酥都好吸引，但两只食肉兽，主食都系拣左Ribs同春鸡 (同埋师奶仔心态，有骨落地抵D既)；配菜叫左焗薯同蟹饼；沙律就系Caesar Salad同苹果沙律。首先讲沙律，Caesar Salad既蔬菜好新鲜，爽口，有青菜既天然甜味；苹果沙律仲正，青红苹果都清甜，造型又靓，加埋沙律酱既酸甜，满分。配菜系烟肉碎沙律蛋焗薯，呢个配搭基本上已经系无得输，再睇就系材料同师傅功力。烟肉碎焗得脆口；沙律蛋够蛋香；薯仔有香浓薯味，够滑。个蟹饼系必食推荐，
朋友响荔枝角返工，今日得闲去探班。一场黎到，有乜好野食先？朋友笑嘻嘻，带左我黎呢间Pati by Lassana。哦~~我认得你，之前去油塘食$88三层下午茶既餐厅，咪叫Spade by Lassana啰？原来系两兄弟黎既。
望望个午餐餐牌先，一人自选午餐，可以拣一款主菜(Ribs/ 烧春鸡 / 面包)、一款配菜、一款沙律，包一杯咖啡或茶，都只系$63，见到呢个价钱，我简直感动到想喊，平时响尖沙咀，六十几蚊只可以食碗面咋。
花多眼乱，叫咩好？虽然牛角酥都好吸引，但两只食肉兽，主食都系拣左Ribs同春鸡 (同埋师奶仔心态，有骨落地抵D既)；配菜叫左焗薯同蟹饼；沙律就系Caesar Salad同苹果沙律。
首先讲沙律，Caesar Salad既蔬菜好新鲜，爽口，有青菜既天然甜味；苹果沙律仲正，青红苹果都清甜，造型又靓，加埋沙律酱既酸甜，满分。配菜系烟肉碎沙律蛋焗薯，呢个配搭基本上已经系无得输，再睇就系材料同师傅功力。烟肉碎焗得脆口；沙律蛋够蛋香；薯仔有香浓薯味，够滑。个蟹饼系必食推荐，入面唔系真正既蟹肉，而系蟹柳，不过我好钟意，个味道调校得好好，外皮亦煎得香脆。
主菜Ribs，唔驶讲啦，一个字：抵食！出去餐厅食一份Ribs最少都百几，呢块我数过有五条骨，分量绝对唔少，BBQ酱汁够香浓，肉质够嫰滑，以后唔驶再去挨贵Ribs啦；春鸡又系我飞佛，外皮烧得香脆，有浓浓既香草味，鸡肉一D都唔嚡，连鸡胸都系滑既，好好味！唔怪得出面得番两只咁少，手快有手慢无呀老友。
食到呢度，其实已经好满足，但我仲未食甜品㖞！记得上次去Spade by Lassana，个Creme Brulee Cheese Cake做得好好，今日两个癫婆都黎一个。嗯，依然保持水准，面层系甜甜脆脆既焦糖，入面系香滑既芝士蛋糕。好啦，今次真系大满足啦，又平又好味，下次一定要再黎！张贴
