雍雅食堂

营业中

休息中

官塘晏昼想食鱼鲜，朋友推介工厂大厦有间雍雅食堂，听个名以为好贵，菜单各款菜式都只系$5x~$80左右，包一汤一菜一饭，主要系蒸煮菜式，声称不含味精。食堂唔算好大，但座位郤有番咁上下，加埋外卖客，同时招呼咁多客人，㕑房都有啲踢脚。如果想去试吓，就要早少少打电话留位及叫埋嘢食，即埸叫餐加餐就有排等，而且佢哋每款嘅𩠌菜数量有限，好快就沽清（一点左右乜都冇）。话明系食堂，都预咗座位都系排排坐，招呼唔到果种。我和朋友慕名去试食，叫咗蒸卢鱼、原只花蟹蒸蛋、贵花蚌粉丝蒸肉饼，上枱卖相唔错，食落就一般，冇谂过主打既鱼蒸得太熟、老咗！