殷悅

营业中

休息中

熊貓酒店開咗咁耐都係第一次嚟。外觀成幢工廠大廈咁，唔係個熊貓嘜頭真係認唔到。下面個商場又似係領匯質素，點睇都唔似上面有間酒店。酒店舊就舊咗啲，總算基本設施齊全，頂樓仲有間四四正正嘅中菜廳。 環境舒適，景觀開揚，雖然只係工廠景同埋公屋景。食物質素唔差，仲有特色點心。三文魚撻香口，食落仲有啲甜甜哋。雞翼肉質嫩滑，蜜糖同黑椒出奇地夾，味道複雜得嚟夠特别。傳統食物亦做得唔錯，鴛鴦炒飯唔係淨係得個汁有味，蝦肉應該有醃過，茄汁飯裏面有唔少雞肉。 價錢雖然唔平但物有所值，係荃灣區一個唔錯嘅選擇。