影片
更多
2022-10-07
482 浏览
去开荔枝角D2 Two行街，梗系去隔离嘅亿利揾吓有冇好嘢食啦，之前搭巴士嘅时候都见到佢哋有好多唔同嘅餐厅，见到有间Pizza店，见价钱唔贵于是就入去食啦！环境上系舒服嘅而且都系好干净，灯光系好充足嘅，座位都系坐得舒服，一入座店员就会比一大樽水，店员都十分友善。食物方面就真系见佢哋都系专注做Pizza同埋一啲意粉类嘅嘢食，见隔离枱除咗嗌Pizza之外，都有嗌佢哋嘅手工意粉，得一个人食嘅我都谂咗一阵应该拣Pizza定系食意粉好。不过嚟得Pizza店点都应该食Pizza啦，所以就喺度拣应该食乜嘢味道。月头出粮一于对自己好啲就系最贵嘅Pizza食，不过有两款味都好想食，见到佢可以半个批半个批都唔同味道所以就拣咗蟹肉大虾同埋黑松露烟肉。餐具方面店员一知道你系食Pizza之后，就会拎相应嘅餐具俾你，把刀十分之锋利，系绝对切得开Pizza的。 大概等咗15分钟之后就上枱啦，见到个批嘅不规则形状就知道真系人手搓出嚟。一上枱𠮶种Pizza嘅香味就扑入个鼻入边！见黑松露都系比较重口味嘅食物所以就食咗蟹肉大虾𠮶个先，见到有蟹有虾之外，都有洋葱，芝士仲识得拉丝。蟹肉相对上就冇咁食得出，但都系有蟹肉嘅质感，虾就
环境上系舒服嘅而且都系好干净，灯光系好充足嘅，座位都系坐得舒服，一入座店员就会比一大樽水，店员都十分友善。
食物方面就真系见佢哋都系专注做Pizza同埋一啲意粉类嘅嘢食，见隔离枱除咗嗌Pizza之外，都有嗌佢哋嘅手工意粉，得一个人食嘅我都谂咗一阵应该拣Pizza定系食意粉好。不过嚟得Pizza店点都应该食Pizza啦，所以就喺度拣应该食乜嘢味道。
月头出粮一于对自己好啲就系最贵嘅Pizza食，不过有两款味都好想食，见到佢可以半个批半个批都唔同味道所以就拣咗蟹肉大虾同埋黑松露烟肉。餐具方面店员一知道你系食Pizza之后，就会拎相应嘅餐具俾你，把刀十分之锋利，系绝对切得开Pizza的。
大概等咗15分钟之后就上枱啦，见到个批嘅不规则形状就知道真系人手搓出嚟。一上枱𠮶种Pizza嘅香味就扑入个鼻入边！见黑松露都系比较重口味嘅食物所以就食咗蟹肉大虾𠮶个先，见到有蟹有虾之外，都有洋葱，芝士仲识得拉丝。蟹肉相对上就冇咁食得出，但都系有蟹肉嘅质感，虾就真系好惊喜，除咗好大只之外，仲十分之爽口，同Pizza十分之夹，再加埋Pizza上面嘅千岛酱，就啱啱好可以中和返洋葱同芝士嘅油腻感。跟住就到黑松露烟肉见佢除咗黑松露，烟肉之外仲有菇。喺食嘅时候已经闻到阵阵黑松露嘅香味，见到佢哋落黑松露都落得好重手，正！食落口嘅时候黑松露同埋菇𠮶种香味，再加埋烟肉嘅咸香系恰到好处。
我比较大食，一个人食完12吋Pizza都觉得好够饱。而佢Pizza嘅批底系比较薄，所以就唔会越食越口干。食到最尾嘅时候，见差唔多所有枱都有客人，所以都应该有咁上下口碑，下次就可以试吓食佢嘅意粉啦。
张贴
