Container Factory Restaurant & Bar (已結業)

最近行街嘅时候发现咗一间好特别好特别嘅餐厅，点解咁讲呢？？因为佢系旧工厂改建而成嘅，入面嘅好多装饰仲保留著工厂嘅特色。好似呢个架咁，就摆咗啲工厂常用物品，第一次系厂入面食嘢，感觉好特别！！呢度空间真系好大，仲有区域系专门调酒嘅，好正吖！！灯光明亮，而且个顶好高，令人唔会有压抑嘅感觉·...烤肉芝士嘅芝士真系好多好多，而且好厚一层，芝士入面有烤肉粒、mushroom....再配上面包一齐食，真系一啖芝士一啖面包，好enjoy~~呢个系我觉得呢度好特别嘅一道菜。叫奶油面包炸鸡。好大一个方形面包入边掏空咗，装嘅全部都系cream，炸鸡两个人食都够辣，再点甜甜嘅奶油，炸鸡咁嘅食法都系第一次！！纽奥良鸡肉沙律，份量好大，无可否认沙律酱配沙律味道真系好好。沙冰系列，有各式各样嘅口味任君选择，特别系食完炸鸡之后嚟翻啖沙冰，成个人爽晒！