保家山 (已結業)

观塘一向多平民美食，工厂大厦入面都有唔少高质餐厅。之前经过见呢间餐厅环境都ok, 汉堡又几吸引，就约左同事黎试下。当日12:45唔需要排队，但都8-9成坐满。除左汉堡之后，仲有6-7款意粉或饭可选。 和牛汉堡可配4款唔同嘅汁、另外都有鸡、羊、素汉堡。因为呢到比较出名汉堡，所以就先试下和牛汉堡。跟餐有汽水同埋薯条/沙律或加钱配小食。点餐后大约等左5-10分钟就有得拎。汉堡对得住价钱地相当巨型，绝对冇办法一口咬落去整个汉堡，食落都好容易食到成嘴都系酱，有点狼狈。面包有产品烘过，胀卜卜，松软带点甜味，主角和竹牛足有成寸厚，有肉汁，口感唔会话太松散，但牛味唔算太浓。配合埋一大片厚切蕃茄、生菜、洋葱及微辣带酸嘅山葵汁，滋味十足。沙律就不过不失，材料主要系生菜同蕃茄，份量都ok, 几新鲜。总括来说，呢间出品嘅汉堡都几令人满足，下次会再黎试下其他汉堡。