影片
更多
2016-11-26
538 浏览
觀塘工廠大廈出名多野食，為左揾個好地方試下，於是就上左openrice搵下揀下有邊間好食，點知就搵到呢間個名叫火鍋仔嘅打邊爐舖頭，見佢啲野好似幾特別，作為打邊爐發燒友嘅我地就揀左呢度開飯喇。雪耳木瓜雞腳湯一開始就緊係要簡個湯底先喇，呢個雪耳木瓜雞腳湯真係比較小餐廳提供做火鍋個湯底，不過湯底入口有濃濃的鮮甜味，唔洗加入任何嘅配料，都好好喝，而且雞腳同埋木瓜嘅份量絕對唔會小，等我地係熱氣之前先好好咁滋潤一下。即炸響鈴響鈴好有口感，夠晒脆身，加埋佢本身果種淡淡嘅咸味，加小小火鍋豉油去調一調味都已經非常惹味。新鮮豬腳根未煮之前嘅非常亮身，煮後豬腳根入口令人感覺非常脆身無雪味，入口夠晒口感。秘製豬肉條豬肉條煮之前非常亮身，而煮左之後嘅豬肉條入口夠彈牙，而且唔會有陣陣腥臭味，肉又夠晒結實，味道又夠濃味之餘又啖啖肉。美國桶蠔美國桶蠔份量唔小，經煮熟之後，體積唔會縮小好多，入口好有夠鮮味，令我地呢啲蠔魔一食難忘。芝士蝦丸呢度啲蝦丸粒粒都真材實料架，因為粒粒純手打，而且裡面仲要有芝士，煮完粒粒除口感結實又夠彈牙外，仲可以有埋芝士嘅拉絲效果真係超吸引 今次嘅工廠體驗都真係幾驚，因為估唔到一間火鍋小店比起一
觀塘工廠大廈出名多野食，為左揾個好地方試下，於是就上左openrice搵下揀下有邊間好食，點知就搵到呢間個名叫火鍋仔嘅打邊爐舖頭，見佢啲野好似幾特別，作為打邊爐發燒友嘅我地就揀左呢度開飯喇。
雪耳木瓜雞腳湯一開始就緊係要簡個湯底先喇，呢個雪耳木瓜雞腳湯真係比較小餐廳提供做火鍋個湯底，不過湯底入口有濃濃的鮮甜味，唔洗加入任何嘅配料，都好好喝，而且雞腳同埋木瓜嘅份量絕對唔會小，等我地係熱氣之前先好好咁滋潤一下。
即炸響鈴響鈴好有口感，夠晒脆身，加埋佢本身果種淡淡嘅咸味，加小小火鍋豉油去調一調味都已經非常惹味。
新鮮豬腳根未煮之前嘅非常亮身，煮後豬腳根入口令人感覺非常脆身無雪味，入口夠晒口感。
秘製豬肉條豬肉條煮之前非常亮身，而煮左之後嘅豬肉條入口夠彈牙，而且唔會有陣陣腥臭味，肉又夠晒結實，味道又夠濃味之餘又啖啖肉。
美國桶蠔美國桶蠔份量唔小，經煮熟之後，體積唔會縮小好多，入口好有夠鮮味，令我地呢啲蠔魔一食難忘。
芝士蝦丸呢度啲蝦丸粒粒都真材實料架，因為粒粒純手打，而且裡面仲要有芝士，煮完粒粒除口感結實又夠彈牙外，仲可以有埋芝士嘅拉絲效果真係超吸引 今次嘅工廠體驗都真係幾驚，因為估唔到一間火鍋小店比起一般嘅舖頭所有野都做得更創新，食材亦都更加多選擇，有機會都要再黎工廠探險先得
张贴
