丼瀛 (已搬遷) 新店位置

工厂日式餐厅同男朋友去完APM行街，就去左后面街到揾野食，见到呢间日本菜系工厂大厦入面，见到价钱合理就冲上去食个晚餐，入到去环境好优雅，格局好干净，服务员好有礼貌同介绍招牌菜既特色！我地叫左七个野食～清酒煮托托蚬 男朋友本身喜欢食海鲜，这些蚬大大粒，鲜甜又没有沙，正；下面有些粉丝，粉丝索晒鲜美的汤汁， 一口豚肉 –我喜爱食猪所以就点呢一款试下，食落去肉汁浓郁， 好有口感，正！鹿儿岛芝麻鸡翼两只鸡翼都大大只，烧得好香又脆，够晒热，而且仲好嫩添！木鱼花炸豆腐木鱼碎炸得啱啱好，好香，配埋豆腐一齐唔会油腻！好like呢个小吃！味噌蒜头渍蒜味好浓，好香口，呢味送酒一流。高山菜豚肉味噌汤味噌汤加入高山菜豚肉变左好鲜甜，真材实料。松叶蟹肉海胆甜虾丼松叶蟹肉好多，加上松叶蟹脚有2大旧，肉质鲜甜，口感丰富，海胆简直系提升左个味道，令到鲜味十足，甜虾好新鲜好大只，加上劲多既鱼子伴饭～男朋友食晒成大碗…中午外卖好抵食，下次真系可以试下。