魔膳廚房 (已結業)

之前经朋友介绍观塘工厂区美食-魔膳厨房，令人回味无穷，所以今日再带另一位朋友去试下，果然继续保持一贯水准。上次无试过沙律吧🥗，今次就试下啦，$38一位任食，有沙律、螺肉、青/黄椒、蕃茄🍅、西瓜🍉、啫喱...我哋叫左2两个set，一个香煎带子黑松露意大利饭🍴，另一款系德国烤原只猪手配薯角。跟餐有餐汤，我哋拣咗一个罗宋汤，一个忌廉汤。罗宋汤够晒浓味，蕃茄味好突出，杂菜丰富；而忌廉汤够浓稠，亦都有好多杂菜。最欣赏嘅莫过于系个餐包，真系好好味，又松又软。香煎带子黑松露意大利饭有两大只带子，面头有芝士粉同埋脆脆，意大利饭有好香嘅黑松露味，味道浓郁，饭够晒creamy。德国烤原只猪手配薯角：猪手表皮烤到脆卜卜，肉质都好嫩滑，配埋少少酸菜，中和肥腻感，配菜薯角做得一啲都唔普通，非常香脆，充满薯香味。跟餐仲可以拣两杯饮品，拣咗热蜜桃红茶，如果想转冻饮加多$5，叫咗杯青苹果梳打，青苹果味都好香，唔会太甜。食完饭，沿路落去仲有好多图画欣赏，成个艺术廊咁。