Coti the Bistro (五芳街)

营业中

休息中

因为工作需要有时都要去新蒲岗。今日经朋友介绍先发现呢个工业区中竟然有一间咁靓嘅餐厅😍。佢空间感十足而且用左干花等装饰，有啲文青feel。食物方面我哋拣咗软壳蟹蟹肉拌饭同煎慢煮西冷配薯菜沙律。只炸软壳蟹份量十足热辣辣之余咬落仲十分Juicy。西冷牛扒我哋点咗五成熟口感非常好而且好有牛味😋。呢度仲可以加钱转特饮，我就要咗一杯抹茶鲜奶🍵，配咗简单嘅拉花已经令人特别开心。估唔到呢度嘅甜品都可以令我好有惊喜，佢有呢排好兴嘅巴斯克芝士蛋糕🥧，佢好重芝士味又唔会太腻，我地仲叫左Lotus 芝士脆饼，系焦糖味脆脆加上甜甜地嘅芝士馅。甜品上枱嘅时候只碟仲用朱古力酱同玫瑰花瓣做咗装饰，女士见到都包保心心眼😍。大家下次去开新蒲岗，想休息嘅时候不如就嚟试一试呢间餐厅啦！👍🏼