影片
更多
2020-06-05
460 浏览
早前睇网上饮食节目讲威灵顿牛柳，睇到个样好似几好食，于是马上喺openrice search，见到网站上介绍Mini Friday，而且正评几多，于是即刻book位。上到去餐厅都几大，坐底之后第一件事马上同个侍应落order要威灵顿牛柳，其他再睇睇menu先。最后叫咗香草牛油焗田螺酥盒、温泉蛋芝士忌廉大啡菇阔条面、威灵顿牛柳同梳乎厘班戟。跟住首先上枱嘅系餐汤同啲餐前小食。今日个餐汤系红菜头忌廉汤，初头见到成碗汤红色以为会好酸(可能系红色俾我嘅感觉会似罗宋汤)，但饮落口完全唔同，忌廉味好重，而且仲有啲蔬菜味，同埋个汤都几浓，唔似其他餐厅啲汤稀到好似水咁。跟住到个沙律，上面有啲爆珠，同埋有车厘茄，个感觉几清新。然后到个粟米脆片伴芝士酱，啲芝士酱又系好重味，啱晒我呢啲钟意食浓味嘅人。讲咗咁耐轮到讲主菜，先系个香草牛油焗田螺酥盒，啲酥皮好香牛油味，配上田螺嘅味道，食落口有啲烟韧嘅感觉，配埋牛油酥几好食。然后到个温泉蛋芝士忌廉大啡菇阔条面，本身啲大啡菇已经好香，配埋芝士简直一流，再加上温泉蛋同个忌廉汁，同埋啲阔条面面身都沾满个汁(应该无过冷河，因为如果意粉之类过冷河，会令到个面身变得比较滑，反而
上到去餐厅都几大，坐底之后第一件事马上同个侍应落order要威灵顿牛柳，其他再睇睇menu先。最后叫咗香草牛油焗田螺酥盒、温泉蛋芝士忌廉大啡菇阔条面、威灵顿牛柳同梳乎厘班戟。
跟住首先上枱嘅系餐汤同啲餐前小食。今日个餐汤系红菜头忌廉汤，初头见到成碗汤红色以为会好酸(可能系红色俾我嘅感觉会似罗宋汤)，但饮落口完全唔同，忌廉味好重，而且仲有啲蔬菜味，同埋个汤都几浓，唔似其他餐厅啲汤稀到好似水咁。跟住到个沙律，上面有啲爆珠，同埋有车厘茄，个感觉几清新。然后到个粟米脆片伴芝士酱，啲芝士酱又系好重味，啱晒我呢啲钟意食浓味嘅人。
讲咗咁耐轮到讲主菜，先系个香草牛油焗田螺酥盒，啲酥皮好香牛油味，配上田螺嘅味道，食落口有啲烟韧嘅感觉，配埋牛油酥几好食。
然后到个温泉蛋芝士忌廉大啡菇阔条面，本身啲大啡菇已经好香，配埋芝士简直一流，再加上温泉蛋同个忌廉汁，同埋啲阔条面面身都沾满个汁(应该无过冷河，因为如果意粉之类过冷河，会令到个面身变得比较滑，反而无咁黏啲汁)，令到成个阔条面好creamy ，好好食。
之后到今晚最期待嘅威灵顿牛柳出场，一大件牛柳周边都包满酥皮，切落去嘅时候啲酥皮又无即刻碎晒，个酥皮整得几好，件牛柳咁大件谂住咬落去会韧，但食落又唔会，同埋都几有肉味，每一口食落去都有酥皮同牛柳，感觉几正。
最后到甜品出场，食完件牛柳之后到甜品梳乎厘班戟上枱。本身自己都已经系好钟意食甜品，啲班戟全部都热，喺上面淋上忌廉汁，食落去好香口同软熟，再配个雪糕，喺个口入面有齐冷热嘅感觉，又feel到个雪糕喺口中溶紧，简直一流。
整体今晚食嘅所有嘢都唔错，值得下次再嚟试其他菜式。
红菜头忌廉汤
26 浏览
0 赞好
0 留言
沙律
21 浏览
0 赞好
0 留言
粟米脆片配芝士酱
18 浏览
0 赞好
0 留言
香草牛油焗田螺酥盒
19 浏览
0 赞好
0 留言
温泉蛋芝士忌廉大啡菇阔条面
34 浏览
0 赞好
0 留言
威灵顿牛柳
35 浏览
0 赞好
0 留言
梳乎厘班戟
30 浏览
0 赞好
0 留言
张贴
