瑪斯小食 (已結業)

今日黎开工业区，都知呢边几多野食，黎左呢间小食店，虽然叫小食店，但都有正餐例如面食同饭类、肠粉等等，仲有套餐、甜品同特饮。小食店主力做外卖，但都有少量位置堂食既。大约系一张枱既位置啦。今次order 左啲小食，我叫左日式照烧鸡扒汉堡包，有烧汁配埋生菜同洋葱，烧汁好rich同入味亦好有怀旧风味。另外叫左个小食墨西哥风脆玉米片跟芝士酱蕃茄粒，加配牛油果酱。原来脆脆加埋牛油果酱同芝士酱同配料都好夹味，仲几饱肚tim.饮品我套餐加钱配左黑糖珍珠鲜奶加芝士奶盖。特饮类仲可以选择无糖／半糖／或小冰。走之前仲order左个自家制原味牛乳布丁外卖，口感滑滑。好完满既一个lunch！值得一提，服务好亲切友善！