Red Rice 米飯主題餐廳 (億利工業中心)

营业中

休息中

自从系观塘工业区食过多次水准唔错嘅餐厅，已经对工业区嘅餐厅改观鸟，今次倾完生意，系楼下见到有间装修唔错嘅餐厅，吸引咗我入去帮衬。点咗一红一白汤，足料，由其系罗宋汤，记忆中未饮过罗宋汤会咁大旧牛腩。食亲鳗鱼饭，都系得果半条，餐牌上见到有个原条鳗鱼铁板饭，都只系68蚊㖞，我单单买条烧鳗鱼最平都成40蚊啦，重要铁板上，唔洗多考虑啦！另外再点咗一个7成西冷牛扒，后来先知道原来加钱可以转铁板，总之加钱啦！原本想点8成，但经验话我知餐厅通常都会煮过咗火，所以点生小小，但牛扒上枱后，又真系7成㖞！听话㖞！牛扒点咗蒜蓉汁，个蒜蓉汁绝对系惊喜，其他餐厅D扒汁味道经常过重过咸咸过我，我自问重口味都顶唔顺！但眼前嘅蒜蓉汁味道啱啱好，再加上牛扒本身已经入味，即使点埋蒜蓉汁一齐放入口都唔会出现味道过重，抵赞啦！西冷牛扒本身已经入味，唔需要点汁已经好好味，所以我都无点太多蒜蓉汁。原条鳗鱼饭无吹水真系原条上，再加上底部有饭焦，一次过满足哂两个愿望！鳗鱼入口无渣，块铁板系热辣辣，咁嘅价钱有咁嘅质素，Like 爆啰。