Bella Shine (已搬遷) 新店位置

黎到观塘揾食，又唔想同人系APM逼，紧系黎工业区呢边食啦。对上一次去Factory99，今次试下呢间「日式」Cafe。上到黎四楼，一出Lift见到间制衣铺，仲以为去错，如果可以整返个显眼d既标示会更好。是日沙律 - 都几特别，因为用寿司豉油做汁，菜就无话新唔新鲜，标准野。西兰花忌廉汤 - 非常Creamy，西兰花味略不足，可能系因为食左个沙律先，个口有阵豉油味，所以觉得呢个唔够味。是日餐包 - 入面有无花果同提子。有片牛油喺我地坐低之前已经摆左喺枱面等食包时用，但系我地无用到，因为感觉摆左好耐....龙田炸鸡配猪骨汤乌冬 - 日式炸鸡，鸡有鸡味值得提一提既系个乌冬，够弹牙又唔会太韧，一食就谂返起喺日本四国食既乌冬。汤底奶白色，应该用左唔少时间煲。日式滑蛋猪软骨饭 - 略甜，猪软骨一咬即溶。但系唔明点解话系日式但饭唔系用珍珠米...如果用埋珍珠米会令个饭更加完整。随餐附送两杯冷热饮品，咖啡唔错，值得一试。