Go Inside Kitchen (已結業)

夜晚係觀塘工業區做完嘢，知道附近好多野食，於是搵到「Go inside kitchen 」。一出𨋢就有大大個招牌好易搵。開放式廚房，感覺開揚，唔會好重油煙，餐廳嘅抽風系統做得幾好七點半嚟到餐廳已經坐滿七成，建議黎嘅朋友訂枱晚餐套餐，有沙律、蒜蓉包、湯、主菜&甜品，好多嘢食。我揀咗荷蘭大啡菇田園沙律，蘑菇多汁，沙律菜新鮮，淋上黑醋好開胃蒜蓉包，餐廳做得好香脆，而且重點係蒜蓉味好重！搽滿成個包之餘仲有粒粒嘅蒜蓉咬口是日餐湯，係甘筍薑湯，面頭嘅忌廉拉花做得幾靚，不過略嫌湯欠缺薑味，只飲到甘筍味。主菜揀咗淡蝦醬海鮮意大利飯，香濃嘅蝦醬味整得creamy唔漏，而且份量落得剛好，唔會好鹹。海鮮方面，帶子可以煎得香脆d，大蝦幾彈牙，青口肥美另外，我加$68點左黑松露蜜糖雞翼，蜜糖味較重反而有點蓋過黑松露味。不過雞翼外皮脆身，咬落亦有肉汁。