影片
更多
2019-06-27
80 浏览
火炭，对于我黎讲真系去到世界尽头咁远，咁大个人都唔知去过几多次……仲要去火炭揾野食真系第一次。话说友人生日，佢就喺火炭工业区返工的朋友提意去火炭呢间食海鲜蒸气锅，仲话野食同环境都好正！约埋火车站等，行过去大１０分钟左右，其实都okay 既~坐位唔算多，到场都有几张枱等紧。所以黎一家要记得记得订位。入到去环境几好feel😄，点都估唔倒火炭工厂大厦地下无有间咁有情调的餐厅，可惜系同我一班friend 黎…..👉👈。近门口有个小舞台，听讲有时会有人表演既，不过我食饭果日就无喇。一黎系个冷盘小食：流心皮蛋+蕃茄仔，食完即刻好开胃。听讲呢度出名粥底+海鲜蒸锅。平时食既粥底火锅，都系香粥＋水咁啰。呢度粥底相当讲究，系用日本十六谷及麦米，配上粟米鱼肚黑豚煲成。粥底准备好就开始蒸海鲜。大家估下呢个系乜？！好似越南旅行时买果顶帽。其实佢系蒸锅个盖，用黎蒸海鲜时候盖上。蒸锅食海鲜真系一流，打边炉食海鲜，鲜味流失晒去汤底。蒸气锅可以锁住海鲜肉汁，食落份外鲜甜，就算流出黎都系去返个粥果度～蒜心苗伴北海道扇贝扇贝超太粒，蒸6分钟就够喇。上面有几粒豆豉同蒜心，应该系用等蒸既过程可以去走Ｄ腥味。蒸好之后扇贝既汁完全
坐位唔算多，到场都有几张枱等紧。所以黎一家要记得记得订位。入到去环境几好feel😄，点都估唔倒火炭工厂大厦地下无有间咁有情调的餐厅，可惜系同我一班friend 黎…..👉👈。近门口有个小舞台，听讲有时会有人表演既，不过我食饭果日就无喇。
一黎系个冷盘小食：流心皮蛋+蕃茄仔，食完即刻好开胃。
听讲呢度出名粥底+海鲜蒸锅。平时食既粥底火锅，都系香粥＋水咁啰。呢度粥底相当讲究，系用日本十六谷及麦米，配上粟米鱼肚黑豚煲成。粥底准备好就开始蒸海鲜。
大家估下呢个系乜？！好似越南旅行时买果顶帽。其实佢系蒸锅个盖，用黎蒸海鲜时候盖上。
蒸锅食海鲜真系一流，打边炉食海鲜，鲜味流失晒去汤底。蒸气锅可以锁住海鲜肉汁，食落份外鲜甜，就算流出黎都系去返个粥果度～
蒜心苗伴北海道扇贝
扇贝超太粒，蒸6分钟就够喇。上面有几粒豆豉同蒜心，应该系用等蒸既过程可以去走Ｄ腥味。蒸好之后扇贝既汁完全无流失，鲜甜原汁原味，真心推介❤️。
蚬 贵妃蚌配苋菜
蒸蚬会比较容易控制时间，有时打边炉Ｄ蚬过熟，Ｄ肉会煮到实晒。贵妃蚌爽口鲜味，仲食倒Ｄ海水味。
玫瑰花生豆腐
卖相别致，疯狂影完相一轮先食得。因为加左蝶荳花，所以颜色灰灰蓝蓝。食落淡淡的花生味，配Ｄ豉油，好好味。
最后当然要食埋吸晒海鲜精华既粥底啦! 粥底绵滑，加上十六谷及麦米食落烟韧有咬口。感觉原汁原味好健康。
呢餐觉得环境同食物都满分！食物份量刚刚好，每样都好精致。店员服务周到，每次食完就会更换蒸格，准备下一道菜。每道海鲜都有蒸既时间表俾你跟住，唔洗惊唔熟会肚痛，又唔会蒸过笼！
张贴
