孔夫子 (Club East洞天) (已結業)

星期五咁啱冇工开，多月冇见既朋友又得闲，就相约饭聚，大家屋企同工作地点都近观塘，就约apm等啦～本来打算食西餐或多国菜，但book左两间都满左，另1间直头无人听，于是谂谂不如中菜，虽然两人食中菜可能选择有限，但因友人有孔夫子既会藉，可免加1及8折优惠，于是就book佢7点，去到唔洗再等👍menu系用ipad睇，但有人落单的，因为真系只得2人，唔敢叫太多野，看见其他桌叫片皮鸭，好似好正，但两个人点可能食到，睇相见有个艳影虾球，细细粒几精致，个名好靓，样都靓，就叫左，上到枱原来好大粒，直径有成3吋，上面d酱汁好好味，另外我地都中意食鳝，就叫左个砂锅鳝，呢个就比较油腻左d,可能个虾球好大，我地已饱饱地，另外冷盘好似叫话梅番茄，menu冇相，我地以为会用车厘茄，点知原来大番茄切开，卖相就一般了，而且见唔到话梅㖞，调味系用左柑橘，味道都ok啦！ 甜点方面我地唔系从menu叫，而系从楼上同一集团既西餐厅叫既，cremebrulee因为友人叫过大赞，所以order,果然正。整体员工服务周到，价钱如果冇折就有点高，环境算静，可倾到计，枱既柜离够空间感，今次埋单，每人约220。下次约多几个人再战片皮鸭。