慕茶 (已搬遷) 新店位置

呢排睇杂志成日都见到观塘好多特色餐厅, 之前成日听朋友话有间餐厅专食茶类食物，今日心血来潮决定黎勇闯工业大厦。慕茶系响观塘apm附近既一幢工业大厦入面，我抱住战战兢兢既心上去，真系带比我无限惊喜。首先，呢个抹茶鲜虾意粉，唔好以为d意粉系用抹茶造，其实系将抹茶粉变成酱汁布满响每条意粉上面，完全感受到店家无偷工减料，因为真系食到成个口都充满抹茶既味道,创意满分。意粉上仲有一只生鸡蛋比你将佢溶合响意粉入面，令面更香更滑。之后上场既系呢个令人期待左好耐既大堆头组合:有脆皮手卷，蒜香鸡翼同薯角。一定系我影相影太耐既关系，脆皮手卷变得无咁香脆，我真系浪费左厨师既心意，所以我建议大家一到就好即刻食喇! 蒜香鸡翼炸得恰到好处，唔会食到成口油/觉得好热气。薯角系全晚既主角，因为呢样真心好食，外脆内软，上面仲布满芝士粉同烟肉粒，更加惹味！最后上场既系伯爵茶心太软，店员仲会响上桌前比你拣一种味道既雪糕，而我就拣左大部分女仔都应该钟意既玫瑰味。一上桌我地就急不及待切开，店家掌握好烤焗的时间，无令蛋糕内既茶浆凝固，里面既伯爵茶浆慢慢流出，传来阵阵茶香。玫瑰雪糕为呢个心太软锦上添花，雪糕幼滑，带有淡淡玫瑰芳香，配