鵬達美食

营业中

休息中

今日中午有d事去左屯门天后庙果边工业区搞，搞完肚饿又未食饭就系附近呢间鹏达美食求其食d野医肚。入去睇返铺面唔大，但都有几张大枱，主要都应该系做返附近返工d工友，餐牌就贴晒系墙，不过好多都系写价钱，中午有是日午餐日日不同，45蚊左右，价钱黎讲还可以。猪扒蛋饭今日先试下最大路既猪扒蛋饭，要左豉油汁，猪扒新鲜炸起热辣辣，几香口唔太硬，蛋都煎得几好，系个饭略腍左dd，都可以接受，茶餐厅基本水准。冻柠茶冻柠茶叫左少甜，茶味都算几突出，比起好多餐厅既茶底较得好，少甜又真系少甜唔会太淡，杯茶唔错。整体黎讲工业区茶档黎讲都算几唔错，系附近做开野既都可以黎食，过条桥就系屯门公园，附近玩开肚饿过黎食下午茶又得，价钱就比较经济d。