影片
更多
2022-09-03
55 浏览
呢日去太子打针，打之前先食个靓午餐🍽，因为之后应该会无胃口几日。我同朋友去咗帮衬位于汝州街嘅「桂月」，Openrice地址写系深水埗，但实际上太子行过去近好多🚶♀️。餐厅门口并唔显眼，从出面睇以为系酒吧，因为第一眼只见到吧枱，不过实际上行入去系有唔少座位的。装修行工业风，墙身画上油画🎨，环境都OK。餐厅提供多款午市套餐🍽，定价介乎$76至$128不等，价钱属中等水平。度度Cafe都差唔多价格，不过至少呢度嘅出品有水准。香烤春鸡烟肉配薯菜($99)，🍗春鸡味道唔错，虽然细细只，但都几厚肉，而且肉质细嫩，并散发出微微柠檬酸味🍋，店员其后介绍系因为喺腌制嘅过程中加入咗柠檬汁。鸡肉调味相对清淡，反而烟肉就带来咸香。薯菜部份同样吸引，🍟薯条粗幼同麦记差唔多，不过就炸至金黄香脆，再加少少味粉，令人食唔停口。其他伴菜仲有翠玉瓜、茄子同车厘茄等，色彩缤纷。西西里蕃茄酱肉丸意大利粉($88)，🍝呢个意粉好正，无论面条、酱汁定肉丸都处理得好好。意粉呈扁状，但又比市面上常见嘅幼身，口感富嚼劲又挂汁。🍅蕃茄酱用上新鲜茄肉打成，微微酸，再加埋芝士同洋葱，食落惹味，而且感觉天然。肉丸有四大粒，由餐厅自家制作，肉质
呢日去太子打针，打之前先食个靓午餐🍽，因为之后应该会无胃口几日。我同朋友去咗帮衬位于汝州街嘅「桂月」，Openrice地址写系深水埗，但实际上太子行过去近好多🚶♀️。
餐厅门口并唔显眼，从出面睇以为系酒吧，因为第一眼只见到吧枱，不过实际上行入去系有唔少座位的。装修行工业风，墙身画上油画🎨，环境都OK。
餐厅提供多款午市套餐🍽，定价介乎$76至$128不等，价钱属中等水平。度度Cafe都差唔多价格，不过至少呢度嘅出品有水准。
香烤春鸡烟肉配薯菜
$99
3 浏览
0 赞好
0 留言
西西里蕃茄酱肉丸意大利粉
$88
1 浏览
0 赞好
0 留言
西西里蕃茄酱肉丸意大利粉($88)，🍝呢个意粉好正，无论面条、酱汁定肉丸都处理得好好。意粉呈扁状，但又比市面上常见嘅幼身，口感富嚼劲又挂汁。🍅蕃茄酱用上新鲜茄肉打成，微微酸，再加埋芝士同洋葱，食落惹味，而且感觉天然。肉丸有四大粒，由餐厅自家制作，肉质弹牙，唔会太稔身🐷，食完好满足。
随午餐奉送汤同沙律。我哋各要咗一。🥗桂月田园沙律几大碟，味道清新开胃。精选厨师餐汤系薯蓉忌廉汤🥔，汤嘅口感绵绵的，证明真系用咗好多薯仔煲，一啲都唔马虎。
总括嚟讲，小店用心经营，食物味道不俗，客人系会感受到的👍。餐厅晚上更会化身成为酒吧，有机会都可以再嚟小酬一杯，Chill下😃。
张贴
