慢煮工業 (已結業)

今日就去开旺角行街，又是找好食的时候，见到这间好似几得意，又多好评，决定要试试。系门口的时候就觉得好特别，有风格，一入到去的装修都系好工业风，摆设都好特别，因为中午去到都几多人，所以就得返高凳，系好有感觉，但唔系吧台应该坐得更舒服。叫了2个午餐：1）安格斯牛扒配薯条+因果报应汽水汽水 2）酱烧猪仔骨配薯蓉+香茅蜜桃乌龙茶安格斯牛扒+因果报应可乐慢煮牛扒，唔会过韧，保留到肉汁，牛扒份量都唔少，腌料唔会太重手，刚刚好。薯条唔会炸到过火，外脆内软，唔系好咸。因果报应可乐个名好特意，所以一试，其实系有机汽水，分别系较少汽，味道好似比平时可乐甜少少，但有机就感觉上健康点。酱烧猪仔骨+香茅蜜桃乌龙茶猪仔骨份量都大，好够味，似bbq酱的感觉，肉质唔会过韧，唔会出现难咬开，都啖啖肉。薯蓉好滑，好creamy，加埋蜜糖味道好夹，一口接一口。香茅蜜桃乌龙茶特饮，本来谂住香茅会唔会怪怪地，谂住试一试，一试反而饮唔到香茅味，蜜桃加乌龙茶好夹，又唔会太甜，好味。