Bread and Bistro (已結業)

去海洋公园玩，FD话想食pancake，在OP上揾到哩间cafe都几近海洋公园，咁来试试啦。从海洋公园出来坐一个站到黄竹坑站，离开地铁站5分钟，位置算就脚。铺头装修喺工业风，都几啱打卡。因为唔是好肚饿，拣咗牛油果蟹肉沙律同焦糖香蕉口味pancake，要减肥，饮水就OK啦。牛油果蟹肉沙律品种都几丰富，有车厘茄，火箭菜，绿甘蓝，紫甘蓝，生菜，牛油果，炸薯角同蟹肉。蟹肉分量好大，同沙律菜捞埋一齐，都食到唔少蟹肉。沙律酱用左油醋汁，食落好健康唔会滞。好钟意食甘蓝菜，味道好特别同埋好脆口，FD就唔喺更钟意甘蓝菜D味道，全部比我食哂食到好饱添。焦糖香蕉口味pancake好大一碟，摆盘几靓，一份有3大件pancake。Pancake整得好松软，食落蛋味好足。搭配啲cream好轻盈，食落真喺唔会好滞。焦糖香蕉超好味，每一件香蕉上面都有焦糖薄脆，食落好脆口同埋好重焦糖味，同pancake一齐食真喺超满足。好快已经食哂成份pancake，完全唔够喉，早知道更好味应该叫多一份食。食完加吹水都坐咗差唔多个半钟，哩间铺头完全冇赶客，仲不停加水添，以后再去海洋公园完，一定要encore哩间铺头！